Galatians 6
1Ɖalaa mba mι Ɛsɔ kalιzaɣ wɛ mιcɔlɔ yɔ, ye nɔɔyʋ ɛlabι kιwɛɛkι-m nabʋyʋ nɛ ιna-ι yɔ,ιlabι ιlabι-ι hɛɛɛ nɛ ɛsιnι-ι nɛ ɛwιlι nʋmɔʋ kιbandʋ,nɛ meheyiɣ mι-taa paa weyι se ɛcɔnι ɛmaɣmaɣ ɛtι yɔɔ camιyɛ nɛ pιtaa kɔɔ pιtakι-ι. 2Ɖιsιɣlι ɖama sʋʋtʋ yee ιlakι mbʋ yɔ pιwιlι se ιɖɔŋ krιstʋ paɣtʋ yɔɔ 3Ye nɔɔyʋ ɛmaɣzιɣ se ɛkɛ napʋyʋ nɛ ɛtιkɛnι pʋyʋnɔɔyʋ yɔ,ɛcɛtι ɛmaɣmaɣ ɛ-tι kpem. 4Pʋwɛɛ se paa weyi ɛcɔnι ɛmaɣmaɣ ɛlakasι nɛ ɛna.Ye ɛna sιwɛ ɖeu lɛ,ɛtaa kɛtι ɛ-tι nɛ lɛlaa. 5Mbʋ pʋyɔɔ yɔ pʋwɛ se paa weyi ɛ-sιlιɣ ɛmaɣmaɣ ɛ-sʋʋtʋ. 6Weyi pawιlιɣ ɛsɔ tɔm yɔ,pʋwɛɛ se ɛsιnι weyi ɛwιlιɣ-ι tʋ yɔ nɛ mbʋ ɛwɛna yɔ. 7Ɛtacɛtι mι-tι yem,paawoŋ-u Ɛsɔ mbʋ ɛyʋ ɖuu yɔ mbʋ ɛkʋ-ŋ. 8Ye nɔɔyʋ ɛlakι lakasι kιdɛkɛdɛsι nzι ɛ-maɣmaɣ ɛsɔɔlaa yɔ,siyeki nɛ ɛsι.Ɛlɛ ye nɔɔyʋ ɛlakι mbʋ Ɛsɔ kalιzaɣ liu wɛɛ yɔɔ yɔ,keyeki nɛ ɛhiu wezuu pιιtɛŋ. 9Pιtaa nι-ɖʋ nɛ camιyɛ lakasι labʋ.ye ɖιlakι sι-ι mbʋ yɔ,alιwaatʋ talιɣ lɛ paa weyi ɛkɔŋ gbɛ-ʋ mbʋ ɛɖuwa yɔ. 10Pʋyɔɔ lɛ ye pιha-ɖʋ waɖɛ yɔ,ɖιla camιyɛ lakasι ɛyaa tιŋa,kɔzι kɔzι mba pɛwɛnι lidau krιtʋ yɔɔ yɔ. 11Ɛna ɛzιma mbʋ lɛɛlɛɛyɔ ma-maɣmaɣ mamanι me-nesι nɛ pιpaɣlι camιyɛ kpoolʋ kpoolʋ yɔ. 12Mba patιŋa pe-liu wɛɛ se pʋwɛɛ se pɛpɛlι-mι.Palakι mbʋ kpem se ɛyaa ɛtaawɛɛ pawayι kaŋ-kaŋ pιtιŋ-nɛ krιstʋ kaamangaɣ yɔɔ. 13Lɛlaa mba,pa-maɣmaɣ paaɖɔŋ paɣtʋ yɔɔ ɛlɛ,pe-liu wɛɛ se pɛpɛlι-mι nɛ pakʋŋdιnι tɔm nɔɔ yɔɔ se etisi yʋsaɣ ŋga mι-yɔɔ. 14Ma lɛ ɖakιpaɣlʋ yesu krιstʋ tɛ sιbʋ kaamankaɣ yɔɔ yɔ pιɖeke mankʋŋdʋ-na,napʋyʋ fɛyι nɛ pιtasιnι-pʋ.Mbʋ pʋyɔɔ yɔ pιtιŋna pʋyɔɔ nɛ kιdɛkɛdιm mbʋ pʋwɛ kedeŋa yɔɔ yɔ pιtatasι doŋ nι-ι wɛnaʋ mɔyɔ nɛ ma ɖɔɖɔ mɛnkɛ sιɖʋ pι-ɛsιndaa. 15Paa pɛpɛlι nɔɔyʋ yaa pɛtɛpɛlι-ι yɔ pιfɛyι wasaɣ.Mbʋ pʋwɛ wasaɣ yɔ se ɖιkɛ ɛyaa kιfama. 16Mba patιŋa paaɖɔŋ tɔm tʋnɛ tιyɔɔ yɔ pewezuu caɣʋ taa yɔ caa Ɛsɔ ɛna pa-pʋtɔdιyɛ,ɛhɛzι palaŋa nɛ pικpɛndιnι mba pɛkɛ Izrɛɛlι ñιma yɔ. 17Nɛ sɔnɔ yɔ nɔɔyʋ ɛtaatasι-m cɛyʋʋ mbʋ pʋyɔɔ yɔ tɔntɔlιɣ weyi ιwɛ mɔ yɔɔ yɔ ιwιlιɣ se mɔntɔɔ kʋñɔŋ yesʋ yɔɔ. 18Koobiya ɖa-kιpaɣlʋ yesʋ krιstʋ ɛlabι-mι lootiye, pιla mbʋ.
Copyright information for
KpbULB